Рецензия на «Русский марш» (Диакон Георгий Малков)

.Ослаби, остави, прости, Боже, прегрешения наша вольная и невольная, яже в слове и в деле, яже в ведении и в неведении, яже в слове и в деле, яже во дни и в нощи, яже во уме и в помышлении, вся нам прости, яко благ и человеколюбец.
.Ненавидящих и обидящих нас прости, Господи Человеколюбче. Благотворящим благосотвори. Чад моих плотских и духовных, братий, и сродников наших вся, яже ко спасению прошения и жизнь вечную, получити удостой, в немощех сущия посети, и исцеление даруй. Яже на море управи. Путешествующым спутешествуй. Страждующей державе Российстей споборствуй. Служащым и милующым нас грехов оставление даруй. Заповедавших нам недостойным молитися о них помилуй по велицей Твоей милости. Помяни, Господи, прежде усопших отец и братий наших, и упокой их, идеже присещает свет лица Твоего. Помяни, господи, братий наших плененных, и избави я от всякого обстояния. Помяни, Господи, плодоносящих, и доброделающих во святых Твоих церквах, и даждь им, яже ко спасению прошения, и жизнь вечную. Помяни, Господи, и нас смиренных и грешных и недостойных раб Твоих и просвети наш ум светом разума Твоего (немощную волю нашу благодатною силою Духа Твоего Святаго управи и укрепи), и настави нас на стезю заповедей Твоих, молитвами Пречистыя Владычицы нашея Богородицы и Приснодевы Марии, и всех Твоих святых, яко благословен еси во веки веков.Аминь.

Владимир Юзюк   25.02.2012 21:50   •   Заявить о нарушении